上次講到男仔要吸引異性就需要散發出一種「有危險感嘅刺激」，要令到佢哋同你相處嘅時候有一種擺脫現有生活，開始全新冒險嘅感覺，就好似Aladdin帶Jasmine坐飛氈嘅時候咁，「I can show you the world」。
咁但係你唔好誤會，帶佢去認識一個「全新世界」並唔代表帶佢去認識一個「你感興趣嘅世界」，如果佢對你本人唔感興趣都唔好期望佢會對你感興趣嘅嘢有興趣 (翹口到好似急口令咁)。所以喺頭呢6個鐘嘅黃金時間內，你要展示出對一啲女性感興趣嘅領域嘅獨特見解，如果可以再配合一啲故事就更完美喇！你唔知女仔對咩有興趣？你問下你身邊啲女仔朋友youtube平時會睇乜你就知佢哋對咩有興趣㗎啦，或者簡單啲講以下幾樣嘢：美食 / 電影 / 旅行 / 音樂，如果你唔知點講嘅話由今日起快啲開始做research啦！
當你能夠稍為提起佢嘅興趣，你就可以出第一個絕招：分享一啲屬於自己、刺激有趣嘅個人故事。 如果冇嘅話，請你努力提升自己累積多啲。一個有故事嘅人係吸引嘅，故事愈精彩愈顯示到你嘅生活刺激有趣。建議您事先準備一啲你曾經同人分享過而其他人都覺得有趣嘅故事，咁就唔怕臨陣發功嘅時候無招可出。如果你而家嘅工作生活真係太一成不變嘅話就講自己大學時候嘅故事啦，或者由今日開始參加多啲活動累積多啲有趣嘅經歷吧，用 Nakama活動交友平台App就可以搵到好多㗎喇 (置入式宣傳成功！)
不過我都發現有啲男仔都對於講自己嘅故事過分投入，而忽略咗對方係咪有興趣。所以講故事嘅同時一定要留意對方係咪真係有興趣聽，如果冇嘅話就要改切入點分享另一啲嘢，或者純粹問問題引導對方講佢嘅故事畀你聽。有一個講法係如果兩個人相處嘅時候，講愈多嘢嘅人其實愈重視對方，所以如果成功令到對方講多啲嘢對於關係嘅成長有利無害。
但係以上講嘅嘢都只係最基本！ 有冇聽過一個講法「溝通 = 7% 語言 + 38% 聲音 + 55% 肢體語言」？呢個講法我覺得有少少誇張成份，但無可否認你講嘅嘢只係佔溝通嘅一部分，甚至乎唔係最重要嗰部分！堅定有力嘅眼神、溫柔大方嘅微笑、適當而唔猥瑣嘅肢體接觸，都能夠有效令雙方嘅關係升溫。當你哋嘅關係升溫到一個點就係時候出第二招絕招：挑逗式嘅情話！只要運用得當，就可以有效令對方覺得自己估你唔到，從而產生刺激感。如果冇貨就睇多啲youtube啦，袋定幾個喺身，當你覺得時機成熟嘅時候就講出嚟試下！約多啲女仔朋友出嚟叫佢哋畀多啲意見你，最緊要係練習！
其實講完上面咁多都只係基本本中嘅基本，如果想再更深入了解真係要靠自己出多啲活動，實際近距離睇下識得氹女仔開心嘅人究竟會講啲乜？根據管理員嘅實際經驗，其實佢哋大部分都準備咗一堆既定套路，可能係一啲魔術，可能係一啲引導式搞笑嘅iq題，可能係一啲精彩嘅個人故事，對住十個唔同嘅女仔都係做同一樣嘅嘢做到熟曬，咁自然就能夠輕鬆自如咁喺異性面前表現自己。所以唔好猶豫啦，快啲打開Nakama App搵啱你嘅活動，多多練習同異性分享有趣嘅故事或者近距離觀察擅長氹女仔開心嘅男仔究竟係點做嘅，提升自己，總有一日你能夠搵到理想嘅伴侶！加油！
非常歡迎大家投稿啊！只要係關於活動同交友嘅文章都有可能會刊登出嚟同咁多位朋友分享。你又有咩心得？快啲話俾大家聽啦！另外如果想加入超過100個唔同嘅WhatsApp Groups結識志同道合嘅朋友，又或者想出席每月100幾個唔同嘅活動，就快啲下載我地嘅專用App，登記加入Nakama啦！
By Nakama管理員
