什麼活動才會男女平衡 (一)

好多活動參加者都問我「 點解去親啲活動都無女架?」我都會笑住答佢地:「因為你唔係黎Nakama嘅活動囉。」 「X咪咁HARD SELL啦!」

不過現實啲講,的確大部份活動都係男多女少嘅,而管理員我又真係做過一個客觀而深入嘅研究。講客觀因素先呀,我發覺我哋香港人特別係香港男仔成日有一個誤解, 就係香港女多男少!的確我哋香港嘅整體男女比例依然係女多男少嘅,但如果收窄啲,只係睇30歲以下嘅香港人,就會發現… 原來係男多女少架!

undefined

咁點解之後女性愈黎愈多,同一份報告有提及係因為大部分都係2000年後內地女性持單程證落香港同香港老公團聚,咁姐係話落到黎嘅都係人妻… 如果唔係你點解釋到2011年有23萬個年齡25-29歲嘅香港女性,但2018年就有25.5萬個30-34歲嘅香港女性?有2.5萬人一出世就已經30歲?當然你可能諗咁市場上單身男性都會少左因為做曬老襯,但如果你係30歲以下嘅半小鮮肉嘅話,這些機會都不是屬於你架啦。

講完客觀上30歲以下係男多過女,其次就係人性黎講一男拖多女永遠common過一女拖多男。溝女教典「謎男攻略」有講過,男人天性係打獵嘅,加上生物學上對生育嘅負擔比較細,所以會比較有「主動獵艷」嘅傾向。姐係點?姐係男人都會比較主動,而且追完一個又一個,偶然會三個囉。結果呢,成功嘅男士好多時就一拖幾,留返喺市場嘅女仔就進一步下跌。更甚嘅係,呢個現象間接養成左女仔一個concept:我要等男仔追,唔需要專登去活動識人。結果,肯出活動嘅女仔再再進一步下跌!

咁但係當然,唔係個個活動都係男多女少嘅,或者就算男多女少都唔會太極端,點解?又或者邊啲活動先可以男女平衡?下一篇話你知!

非常歡迎大家投稿啊!只要係關於活動同交友嘅文章都有可能會刊登出嚟同咁多位朋友分享。你又有咩心得?快啲話俾大家聽啦!另外如果想加入超過100個唔同嘅WhatsApp Groups結識志同道合嘅朋友,又或者想出席每月100幾個唔同嘅活動,就快啲下載我地嘅專用App,登記加入Nakama啦!

By Nakama管理員

下載NAKAMA及聯絡我們

* 登記加入視為同意我們的免責條款隱私權保護政策

Leave a Comment